Eksfin stiller byggjelångaranti når Brødrene Aa byggjer katamaran for Rødne Trafikk

Konkurransedyktig finansiering av kostnader i byggjeperioden

Ein byggjelångaranti sikrar bankane tilbakebetaling av lån som blir utskrive til norske verft i samband med finansieringa til verftet av nye skip. Garantien kan også gjelda for ombyggingar og for lån til norske produsentar av havinstallasjonar som til dømes vindmøllefundament. Garantien hjelper verftet eller produsenten å sikra konkurransedyktig finansiering av kostnader i byggjeperioden.

Brødrene Aa var først ute med både hybrid- og fullelektriske passasjerbåtar

Brødrene Aa er eit familieeigd båtbyggjeri lokaliserte i Gloppen kommune, med ei avdeling i nærliggjande Eikefjord. Brødrene Aa byggjer hurtiggåande fartøy i komposittmateriale i storleiken 20-48 meter, for opptil 400 passasjerar. For fartøy i dette materialet er dei leiande også internasjonalt.  Brødrene Aa var først ute med både hybrid- og fullelektriske passasjerbåtar.

Risikoavlasting til bankar

Gjennom garantiordninga for byggjelån til skip, fartøy og innretningar til havs gir Eksfin risikoavlasting til bankar, og bidreg til at norsk verft, offshoreverksstadar og liknande får betra tilgang på byggjelån. Ein byggjelångaranti sikrar bankane tilbakebetaling av byggjelån til verftet.